Додаға Қазақстан, Ресей және Өзбекстаннан 500-ге жуық спортшы қатысты. Елордалық команда сапында барлық мүгедектік түрі бойынша әртүрлі жастағы пара-каратэшілер күш сынасты. Ережеге сәйкес, жекпе-жектерге тек денсаулығы бойынша шектеу қойылмаған қатысушылар ғана жіберілді.
Шара ұйымдастырушылары – Нұр-Сұлтан қаласының Мәдениет және спорт басқармасы, WKF каратэ-до және дәстүрлі жауынгерлік өнер федерациясы мен «Асыл Бала» қауымдастығы. Турнирге пара-каратэден Әлем чемпионы, РФ Балалар құқығы жөніндегі қоғамдық палатасының мүшесі, протезбен 42 шақырым жүгірген марафоншы Сергей Бурлаков қонақ ретінде шақырылды. Танымал спортшы өз өнерін көрсетіп, елордалық мүгедектігі бар балаларға арналған балалар-жасөспірімдер спорт мектебінің спортшысы Әсия Тұрсыноваға «Жеңіске деген жігері үшін» арнайы сыйлықты табыстады.