Бокстан Қазақстан құрамасының бас бапкері Ғалымбек Кенжебаев Шанхайдағы халықаралық турнирге қатысатын боксшылар есімін атады деп хабарлайды Olympic.kz.
Қытайдағы халықаралық сынға жеті боксшымыз аттанады. Олар:
49 келі: Шалқар Айқынбай
56 келі: Нұрбол Қалжанов
60 келі: Саматәлі Толтаев
69 келі: Талғат Шайкен
81 келі: Нұрбек Оралбай
91 келі: Айбек Оралбай
+91 келі: Дамир Тойбай
«Бұл турнирде жастардың әлеуетін байқап көрмекпіз. Жасөспірімдер олимпиадасына қатысқан боксшылармен қатар, ел Спартакиадасында көзге түскен жас таланттарға мүмкіндік беріп отырмыз. Ал ересектер Азия чемпионатынан кейін аздаған үзіліс алды», - дейді бас бапкер.
Шанхайдағы халықаралық турнир 2-9 маусым аралығында өтеді.