Сырдың жастары сыртта оқиды

2014 жылдан бастап Ресейдің жетекші инженерлік жоғары оқу орындарына РФ үкіметінің гранты есебінен қызылордалық 500-ге жуық түлек оқуға қабылданған болатын. Былтыр алғашқы 32 түлек оқуын аяқтап, елге оралды. Олар қа­зіргі таңда өңірдің жетекші кә­сіп­орындарында жұ­мыс істеп жатыр. Ал 42 тү­лек оқуын магистрату­рада жал­ғас­тыр­ды. Биыл тағы 123 түлек оқуын тәмамдайды деп күтілуде. 2018 жылы Мәскеу және Санкт-Пе­тер­­бургтің жоғары оқу орында­рына 58 қызылордалық жас оқуға түсті. Биыл Қызылордада Назарбаев зият­керлік мектебінің базасында әлем­нің үздік жоғары оқу орындарына түсуге дайындайтын орталық ашу жоспарланып отыр. Облыс әкімі Қырымбек Көшербаев дарынды түлектермен кездесу барысында осылай деді.

Бұл кездесуге республикалық және халықаралық байқау­лар­дың, олимпиадалардың 55 қа­ты­су­шысы шақырылған еді. Олар биыл 58 жүлде, атап айтқанда, 15 ал­тын, 13 күміс және 30 қола медаль алған болатын. 

Өңір басшысы жастармен ай­мақ­­тың дамуы туралы әңгіме­ле­сіп сұрақтарына жауап берді.

– Екінші жыл қатарынан біз­дің мектеп түлектерінің 97%-ы жо­ға­ры оқу орындары мен кол­лед­ж­дер­ге түседі. Енді кем дегенде облыс­тағы мектеп бітіру­шілердің 50%-ы жоғары оқу орындарына, оның ішінде шетел­дік университет­тер­ге де түсуін көздеп отырмыз. Мақ­са­тымыз – аймақ жастарының Гар­вард, Йель және Массачусетс уни­вер­­ситеттерінде білім алуы­на жағдай жасау. Сондай-ақ талант­­ты жастарға кәсіпкерлік, дизайн, коммуникация сияқты сала­­ларда жаңа технологияларды енгізіп, қолданатын Ресейдің «Кван­­ториум», «Сириус» секілді ірі орта­лықтардың тәжірибесін меңгеруі өте маңызды – деді аймақ басшысы.

Осы мақсатта қызылордалық оқу­шыларды «Болашақ» бағдар­ла­масының түлектері құрған елор­да­лық «Astana Garden Scho­ol» жекеменшік мектебінде оқы­туды ұйым­дастыру және Назарбаев зият­керлік мектебінің база­сында оқушыларды шет мем­ле­кеттегі іргелі университеттерге түсуге дайын­дайтын арнайы орта­лық ашу жос­парлануда. Бұл тәжірибе 2016 жыл­дан бастап елордада жүзеге асырылып жатыр.

Жастар саясаты жөніндегі бас­­қар­маның басшысы Қуа­ныш Жанұзақов биыл 117 бітірушінің 53 түлегі «МБжҚИ» ұлт­тық зерттеу тех­ноло­гия­лық университетін, 41 түле­гі К.А.Тимирязев атын­да­ғы Ресей мемлекеттік аграрлық уни­верситетін, 23 түлегі Санкт-Петербург қаласындағы Тех­но­ло­гия және энергетика жоғары мектебін тәмамдайтынын айтты. Олар «Нанотехнология және микро­системалық техника», «Метал­лургия», «Техно­ло­гиялық маши­налар мен жаб­дық­тар», «Электр энергети­ка­сы және электро­тех­ни­ка», «Агро­ин­женерия» және тағы бас­қа 22 мамандық бойынша білім алған. Олардың 50-і магистратурада оқуын жалғастыруды жоспарлап отырса, 67 түлек елге оралмақ. Осыған орай, «Биыл өңірде агроөнеркәсіп кешені саласында 76 жоба іске асыры­лу­да. Аймақта іске қосылуы жос­пар­лан­ған 4 жоба бойынша 400-ден аса адамды жұмыспен қамту жос­парланған. Жас мамандар осы жобалар және басқа да ірі кә­сіпорындар мен мекемелерде жұ­мыспен қамтылуы тиіс», деді облыс әкімі.

Қызылорда облысы