2018 жылдың қыркүйек айынан бастап 2019 жылдың наурыз айына дейін «Қазақстанның экологиялық ұйымдарының қауымдастығы» заңды тұлғалар бірлестігімен «Экология және жасыл экономика көшбасшысы» конкурсына қатысу үшін табиғатты қорғау бастамаларын қолдайтын әкімдіктер, ұйымдар мен азаматтар арасында өтініштерді қабылдау ұйымдастырды, - деп хабарлайды Нұр-Сұлтан қаласының баспасөз қызметі.
2019 жылғы 27 мамырдағы Конкурсттық комиссия отырысының № 2 хаттамасына сәйкес Нұр-Сұлтан қаласының әкімдігі «Экология және жасыл экономика көшбасшысы» ұлттық конкурстың «Эко-Акимат» номинациясында жеңімпаз болып атанды.
Бүгін 2019 жылғы 5 маусымда Дүниежүзілік қоршаған орта күніне арналған салтанатты марапаттау рәсімінде «Қазақстанның экологиялық ұйымдарының қауымдастығы» заңды тұлғалар бірлестігінің президиум төрайымы Әлия Назарбаева «Эко-Акимат» номинациясында конкурс жеңімпазының статуэткасы мен дипломын табыстады.