9-15 желтоқсан аралығында Италияның Риднау-Валь Риданн қаласында биатлоннан IBU кубогінің екінші кезеңі өтеді.
Әлемдік додаға Қазақстан командасы да қатысады. Федерация баспасөз қызметінің хабарлауынша, Қазақстан атынан тоғыз спортшы Италия төрінде бақ сынайды. Ел намысын қыздар құрамасынан Евгения Красикова, Виктория Катаева, Алина Коломиец қорғаса, ерлерден Александр Мухин, Дастан Дельдеш, Сергей Сирик, Тимур Куц, Данил Белецкий бақ сынайды.