Украинаның «Рошен» компаниясы өндірген шоколадтардан зиянды қоспалар табылды. Мұны Ресейдің бас санитары мәлімдеп отыр. Бұл туралы «Жетінші» телеарна хабарлады.
Ресей еліндегі санитарлық-эпидемиологиялық сараптама орталығының мамандары сауда нүктелеріне тексеру жүргізгенде «Рошен» компаниясы өндірген шоколадтардың құрамында бензопиреннің бар екенін анықтаған. Бұл зиянды зат қатерлі ісіктің пайда болуына әсер ететін көрінеді. «Ресей елі бізге «Рошен» компаниясы өндірген шоколадтардың құрамынан бензопирен табылғанын ресми түрде мәлімдеді. Сондықтан еліміз сауда орындарына тексеру жүргізу жоспарлануда», - дейді Денсаулық сақтау министрлігі санитарлық-эпидемиологиялық қадағалау комитетінің бас сарапшысы Марал Рахымжанова.
Данияр Түймебай.