Ақпанның 7-8 күндері Бельгияның Кортрейк қаласында теннистен Федерация кубогының іріктеу турнирі өтеді. Бұл сында Қазақстан құрамасы жарыс қожайындарымен күш сынасып, финалдық кезеңге жолдама алуға тырысады.
Теннистен Қазақстан құрамасының капитаны Диас Досқараев Федерация кубогы аясында Бельгия теннисшілеріне қарсы кортқа шығатын қыздар құрамасының тізімін жариялады. Олар: Юлия Путинцева, Зарина Диас, Анна Данилина және Ярослава Шведова. Я.Шведова бұрнағы жылы ана атанып, былтыр үлкен кортқа қайта оралған болатын.