*Қазақстанда «Агробизнес-2020» бағдарламасы аясында ауыл шаруашылығы кешенін қолдаудың жаңа тетіктері енгізіледі. Ол 2014-2020 жылдарға арналған сүтті мал шаруашылығын дамыту бойынша шеберлік жоспары арқылы жүзеге асырылады.
*Қазақстанда «Агробизнес-2020» бағдарламасы аясында ауыл шаруашылығы кешенін қолдаудың жаңа тетіктері енгізіледі. Ол 2014-2020 жылдарға арналған сүтті мал шаруашылығын дамыту бойынша шеберлік жоспары арқылы жүзеге асырылады.
*Елордада хирургиялық операция барысы трансляция арқылы көрсетіледі. Қазақстанның қан тамырлары хирургтері қоғамының бірінші съезіне қатысушылар жүргізіліп жатқан отаны «Тілеп Қобыз» сарайының залында бақылай алады.
*Жамбыл облысында Индустрияландыру картасының аясында 38 инвестициялық жоба қолға алынды. Жалпы құны 546,7 млрд. теңге болатын бұл жұмыстардың тізбегінде «ҚазФосфат» ЖШС жақында күкірт қышқылын өндіруді жобалау цехын іске қосты.
*Оңтүстік Қазақстан облысының альпинистері Қырғызстандағы Ленин шыңына аяқ артты. Құрамында Юрий Лукьянов, Марс Садықов, Виктор Груняшин, Николай Деревянко және Ресейдің Воркута қаласынан келген Александр Утвенко бар команда бұдан 25 жыл бұрын бағындырылған шыңды алған екінші топ болып отыр.
*Қостанай облысында ауыл шаруашылығы мақсатында жалға берілген 342 жер телімі мемлекетке қайтарып алынды. Кеше бұл туралы облыс әкімдігінің жиынында мәлімдеген облыстық жер қатынастарын басқару басқармасы бастығының міндетін атқарушы Нұрлан Әбдуов барлығы 297 мың гектар алқаптың қайтарылғанын айтты.
*Ақтөбенің үздік мектептері жаңа оқу жылы қарсаңында бірқатар марапаттарға ие болды. Қала әкімі Ерхан Омаров мұғалімдердің тамыз мәслихатында №33 мектепке дейінгі мекемені, №21 мектеп-гимназияны, қалалық Оқушылар сарайын алғыс хатпен марапаттап, 150 мың теңгенің сертификатын табыс етті.
* Шығыс Қазақстан облысы, Бесқарай ауданының жастары кеше Абай ауданына «Киелі мұрамызға тағзым» акциясы аясында сапар шекті. Олар мұнда Жидебайда болып, Бөрілідегі М.Әуезовтің мұражайын, сондай-ақ Абай мен Шәкәрімнің кесенелерін аралап көрді.
«ҚазАқпарат», «Қазақстан жаңалықтары», Bnews.kz, TengriNews, EgemenNews хабарлары бойынша дайындалды.