Мен еліміз тәуелсіздігін алған соң, 1992 жылы Моңғолияның Баян-Өлгий аймағынан атажұртқа алғашқы лекпен жеткендердің бірі едім. Арқалық қаласының іргесіндегі «Целинный» ауылына тұрақтадық. Өзімнің мамандығым экономист болатын. Атажұртқа көшердің алдында мектепте тарих пәнінен сабақ бердім. Бірақ атажұртқа келген соң менің біліміммен мұндағы мектептерде қызмет істеу мүмкін болмады. Ұстаздық сүйікті ісім болса да, оны амалсыз Целинный ауылындағы мал шаруашылығындағы, ауылдық кеңестегі жұмыстармен алмастыруға тура келді. Ал анамыз Дариман Байсейітқызы педагогика техникумын бітірген болатын, ғұмыр бойы бастауыш сыныптарда ұстаздық етті. Оның алдынан талай бала әріп танып, білім нәріне сусындады. Қазір екеуміз де зейнеткерміз, балалар мен немерелердің ортасында бақытты қарттығымыздың несібесін көріп отырмыз. Біздер құрмет тұтқан кәсіпті ұлымыз бен қыздарымыз жалғастырды.
Мен еліміз тәуелсіздігін алған соң, 1992 жылы Моңғолияның Баян-Өлгий аймағынан атажұртқа алғашқы лекпен жеткендердің бірі едім. Арқалық қаласының іргесіндегі «Целинный» ауылына тұрақтадық. Өзімнің мамандығым экономист болатын. Атажұртқа көшердің алдында мектепте тарих пәнінен сабақ бердім. Бірақ атажұртқа келген соң менің біліміммен мұндағы мектептерде қызмет істеу мүмкін болмады. Ұстаздық сүйікті ісім болса да, оны амалсыз Целинный ауылындағы мал шаруашылығындағы, ауылдық кеңестегі жұмыстармен алмастыруға тура келді. Ал анамыз Дариман Байсейітқызы педагогика техникумын бітірген болатын, ғұмыр бойы бастауыш сыныптарда ұстаздық етті. Оның алдынан талай бала әріп танып, білім нәріне сусындады. Қазір екеуміз де зейнеткерміз, балалар мен немерелердің ортасында бақытты қарттығымыздың несібесін көріп отырмыз. Біздер құрмет тұтқан кәсіпті ұлымыз бен қыздарымыз жалғастырды.
Біздің отбасымыз үшін әу бастан ұстаздық мамандықтың беделі үлкен болды. Себебі, үйде отырғанда балалардың анасы екеуміздің әңгімеміз кітап, білім туралы өрбитін. Дариман өз балаларымызға үлгіні алыстан іздемейтін. Ол мектептегі жақсы оқитын оқушыларды мақтаныш етіп, үнемі айтып отыратын. Сонда бала тәртіпті, үлгілі болуға алға ұмтылады және сол анасы айтқан балаларды бедел санап, сыйлап өседі екен. Біз халқымыздың тілін, дінін, дәстүрін, ата-салтын ту еткен жандармыз. Моңғолияда туып өссек те, ана тіл деп атажұртты іздеген едік. Балаларымыз да тілдің, сөздің қадірін бағалап өсті.
Үлкеніміз, ұлым Төлеу ұстаздық жолды қалады. Астанадағы Л.Н.Гумилев атындағы Еуразия Ұлттық университетін бітіріп, қазақ тілі мен әдебиетінен сабақ береді. Қазір Қостанай мемлекеттік педагогикалық институтында қызмет істейді. Жаңа оқу жылынан бастап Л.Н.Гумилев атындағы Еуразия Ұлттық университетінде саясаттану мамандығының магистрі. Үйленді, балалы болды. Одан кейінгі Нұржан деген қызым Қостанай ауданындағы Глазунов орта мектебінде қазақ тілі мен әдебиетінен сабақ береді. Ол әдістемесі озық мұғалімдер қатарында, биылғы оқу жылы басталарда облыс әкімінің мақтау қағазымен марапатталды. Өз еңбегі өзіне қуаныш екеніне шүкіршілік етіп отырамыз. Айжан деген қызым Ақмола облысындағы Есіл қаласындағы №3 қазақ орта мектебінде тарих пәнінің мұғалімі. Оның 4 оқушысы «Алтын белгі» иегері атанды. Дариман екеуміздің кенжеміз егіз қыз балалар – Шолпан-Айнұр да мұғалімдік мамандықты қалады. Олар Арқалық педагогика институтының тарих және география факультетін бітірген болатын. Қазір Шолпан Лисаков қаласындағы қазақ орта мектебінде тарих пәнінің мұғалімі болып қызмет істейді. Оның оқушылары да республикалық олимпиадалардан жүлдемен оралып жүр. Ал Айнұрымыз Қостанай мемлекеттік педагогика институтындағы «Туризм және спорт менеджменті» кафедрасының аға оқытушысы, жастарды туризм ісіне баулуды қолға алды. Магистратураны география мамандығы бойынша бітірді. Оның түлектері елімізде, алыс және жақын шетелдерде туризм саласында қызмет етеді. Төлеуімнің жолдасы, келінім Фариза да біздің династияға қосылды, ол да ұстаз. Қостанай педагогика колледжінде психологиядан дәрі