Жылу беру маусымына дайындық қалай?

Премьер-Министр Серік Ахметовтің төрағалығымен селекторлық режімде өткен кешегі Үкімет отырысында 2013-2014 жылғы жылу беру маусымына дайындық мәселелері қаралды. Онда мемлекеттік органдар мен облыс әкімдерінің алдағы маусымға дайындығы туралы есептері тыңдалып, тиісті шаралар белгіленді.

Премьер-Министр Серік Ахметовтің төрағалығымен селекторлық режімде өткен кешегі Үкімет отырысында 2013-2014 жылғы жылу беру маусымына дайындық мәселелері қаралды. Онда мемлекеттік органдар мен облыс әкімдерінің алдағы маусымға дайындығы туралы есептері тыңдалып, тиісті шаралар белгіленді.

Жылу беру маусымына дайындық жұ­мыстары негізінен аяқталып қалды. Тіпті солтүстік өңірлердегі әлеуметтік нысан­дарға жылу беру басталып та кет­ті, деді С.Ахметов. Шараның маңыз­ды­лығына тоқтала келіп, Премьер-Ми­нистр сөз кезегін Индустрия және жаңа технологиялар министрінің орынбаса­ры Б.Жақсалиевке берді. Министр орын­ба­сары­ның сөзіне қарағанда, жылу беру маусымына дайындық жұмыстары ұйым­шылдықпен, жоспарға сай жүріп жатыр. Дегенмен, күрмеуі қиын бірқатар мәсе­ле­лер де бар екен. Оның көбі тозығы жет­кен жылу қазандықтары мен жылу же­лілеріне байланысты көрінеді. Таяу күн­дері жылу беру маусымына дайындалу ісі нашар болған өңірлер бойынша Үкіметке арнайы ұсыныстар әзірленеді, деді Б.Жақсалиев. Сондай-ақ, биылғы жылы энергетикалық кәсіпорындар күзгі және қысқы маусымдық жұмыстарды жүргізу үшін арнайы төлқұжат алуға асықпаса болмайды. Өйткені, құжат қабылдау қазан айының бірінші күні аяқталады екен.

Әлеуметтік және тұрғын үй-коммуналдық шаруашылық секторындағы нысандардың қыс айларына дайындық жұмыстары жөнінде Өңірлік даму министрінің орынбасары С.Нокин баяндама жасады. Оның айтуынша, өткен жылыту маусымының соңында коммуналдық қызметтер үшін тұтынушылардың дебиторлық бе­решегі 6,6 млрд. теңгені құ­ра­ған. Қазіргі жағдай бойынша деби­тор­лық берешек 5,8 млрд. теңге бо­лып отыр. Қыркүйек айының жиырма күнінде бұл көрсеткіш 675 млн. теңгеге азайды. Яғни 10 пайызға төмендеді. Бұл ретте атап айтатынымыз дебиторлық қарызды өндіріп алуда Астана қаласы – 276 млн, Қостанай облысы – 171 млн, Оңтүстік Қазақстан облысы – 86 млн, Ақмола облысы – 43 млн. және Батыс Қазақстан облысы 34 млн. теңге жинап, белсенді жұмыс жүргізу нәтижесінде қарыз көлемін біршама төмендеткен, деді С.Нокин. Жиын барысында үлгі алатын аймақ ретінде Павлодар облысы ғана аталды. Бұл өңірдің коммуналдық төлем үшін еш қары­зы жоқ екен.

Жылу беру маусымына дай­ындық шаралары бойынша Мұнай және газ министрі Ұ.Қарабалин, Төтенше жағдайлар министрі В.Божко және Шығыс Қазақстан облысының әкімі Б.Сапарбаев, Қостанай облысының әкімі Н.Сә­дуақасов, Ақмола облысының әкі­мі Қ.Айтмұхаметов, Жамбыл облы­сының әкімі Қ.Бозымбаев, Маң­ғыстау облысының әкімі А.Ай­дарбаев, Оңтүстік Қазақстан облы­сының әкімі А.Мырзахметов, Ас­тана қаласы әкімінің орынба­сары В.Крылов сөз сөйледі. Бәрін мұқият тыңдаған Премьер-Министр қыс маусымына дайындық жұмыстары Елбасы Нұрсұлтан Назарбаевтың тікелей бақылауында тұрғанын еске салды. Сөйтіп, тиісті орган­дар­ға бірқатар міндеттер жүктеді. Әсі­ресе, Қаратау қаласына айрықша көңіл бөлді.

Биылғы жылы Қаратау хал­қы­нан ешқандай шағым түс­пе­гені ләзім. Өткен жылы қала тұр­ғын­дары күтпеген табиғат апатынан қатты зардап шекті. Қазіргі таң­да Қаратау қаласының тыныс-тір­шілігі Елбасының қатаң бақы­лауында. Сондықтан да бұл ел­ді мекенді назарыңыздан тыс қал­дырмаңыз, деді С.Ахметов Жамбыл облысының әкіміне.

Отырысты қорытындылаған Үкімет басшысы жалпы жылу беру маусымына дайындықтың жаман еместігіне тоқталып, алайда, қыстың ерте түсуі мүмкін еке­нін ескертті. Осыған орай, өңір­лер басшыларына энергия көз­дерінің дайындығын қосымша тағы тексеруді тапсырды. Электр және жылу қуатын тасымалдау же­лілерінің, әлеуметтік-мәдени нысандар мен тұрғын үйлердің жағ­дайына және жылу беру мау­сымын белгіленген мерзімде ұйымдасқан түрде бастау бойынша тиісті шаралар қабылдауды жүктеді.

Оған қоса Өңірлік даму ми­нистрлігіне де тұрғын үйлердің жылу беру маусымына даярлығын қайта тексеру керектігін айтты. Ап­та соңына дейін 100 пайыз тұрғын үйлер мен әлеуметтік нысандар бар жерлерді іріктеп отырып тексе­руді, өңірлер мен қалалардағы жы­лу беруге дайындық жағдайын мұ­қият тексеруді тапсырамын, деді С.Ахметов.

Премьер-Министр, сондай-ақ, Индустрия және жаңа техноло­гия­лар, Төтенше жағдайлар ми­нис­трліктеріне жөндеу жұмыс­тары­ның белгіле