Коронавирус пандемиясына байланысты жарияланған карантиннен кейін Вьетнам билігі ел чемпионаты мен кубок ойындарын жалғастыруға және жанкүйерлердің стадионға кіруіне рұқсат берген алғашқы мемлекет атанды.
Бүгінде жанкүйерлердің футболдан кубок және ішкі чемпионат ойындарына әдеттегідей емін-еркін кіріп, сүйікті командаларына қолдау білдіруіне еш кедергі жоқ. 100 млн халқы бар Вьетнамда 28 мамырдағы мәлімет бойынша, барлығы 327 адамнан коронавирус індеті анықталса, оның 267-сі дертінен айыққан. Өлім жағдайы тіркелген жоқ.
Бүгінге дейін әлемнің бірқатар елінде де футбол бәсекелерін өткізуге рұқсат берілген. Атап айтар болсақ, Еуропада Германия, Беларусь, Дания, Чехия, Польша чемпионаты, Азияда Оңтүстік Корея мен Түрікменстан, Оңтүстік Америкада Коста-Рика біріншілігі жалғасып жатыр, бірақ жанкүйерлердің кіруіне рұқсат жоқ. Ал Қазақстан чемпионаты да 1 шілдеден бастап жанкүйерсіз жалғасады деп болжанып отыр.