Шайбалы хоккейден Құрлықтық хоккей лигасының (ҚХЛ) жаңа маусымы алдын ала болжам бойынша 2 қыркүйекте басталады. Бұл туралы ҚХЛ-дің ресми сайты хабарлады.
Тұрақты біріншіліктің басталуы туралы ұйымдастырушылар тарапынан барлық командаға хабарлама жіберген. Дегенмен ҚХЛ басшылығы турнирдің басталуы ең алдымен пандемияның эпидемиялық жағдайы және Ресей мен тұрақты біріншілікке қатысатын команда елдеріндегі коронавирустың таралуын ескереді. Сондықтан бұл нақты дата емес, делінген ҚХЛ-дің ресми сайтында.
Еске сала кетейік, ҚХЛ-дің 2019/20 жылғы маусымы коронавирус пандемиясына байланысты мерзімінен бұрын аяқталған еді. Елорданың «Барыс» командасы Чернышев дивизионында топ жарып, Гагарин кубогы бәсекесінің екінші плей-офф кезеңіне дейін жеткен болатын.