Әлеуметтік жағдайы төмен отбасыларға беріледі.
«Жұмыспен қамту жол картасы - 2020» бағдарламасы аясында Көкпекті ауылында 2 пәтерлі 20 тұрғын үйдің құрылысы басталды. Жоба бойынша 20 қос пәтерлі жеке тұрғын үйдегі пәтерлердің жалпы ауданы 100 шаршы метрді құрайды.
2020 жылы жарияланған конкурстың қорытындысы бойынша Өскемендегі «Дороги Востока» ЖШС жеңімпаз болып танылып, келісім шарт жасалды. Бүгінгі күні мердігер серіктестік жұмысты бастады. Мұндағы 20 пәтер баспана кезегіне тұрған әлеуметтік жағдайы төмен отбасыларға беріледі. Бұл үйлер пайдалануға берілгеннен кейін ауданда баспана кезегіне тұрғандар саны 40 пайызға азаяды. Ауданның әкімі Асхат Смаилов және ақсақалдар салынып жатқан үйдің құрылыс жобасымен танысып, алғашқы ірге тасын қалады. Аталмыш жоба бойынша ауданда болашақта да осындай үлкен жобалар іске асырылатын болады.
Шығыс Қазақстан облысы,
Көкпекті ауданы