Полиция қызметкерлері 25 мамырдан бері «Борышкер» іс-шарасын өткізіп жатыр. Алғашқы үш күнде жүргізушілер тарапынан 161 құқық бұзушылық жасалыпты. Соған орай жүргізушілерге салынған 1 миллион 200 мың теңгеден астам айыппұл өндіріліп отыр.
– «Борышкер» іс-шарасы айыппұлдарды төлеуден жалтарып жүрген жүргізушілерге қатысты пәрменді жұмыстарды ұйымдастыру мақсатында қолға алынды. Аталған іс-шара кезінде Жедел басқару орталығындағы бейнекамералардың және «Автоураган» жүйесінің көмегімен қала көшелерінен 45 көлік тоқтатылды. Бұл көліктердің жүргізушілері 276 рет әкімшілік құқық бұзған. Кейбіреуінің жол қозғалысы ережелерін 10-17 рет бұзғаны анықталды. Алайда, олар құқық бұзушылық үшін салынған 2 миллион теңгеден асатын айыппұлдарды төлеуден жалтарып келген. Тәртіп сақшылары борышкерлердің көліктерін айыппұл тұрағына қойып, олармен түсіндіру жұмыстарын жүргізді, - деп хабарлады департаменттің баспасөз қызметі.