Тайландта 17 қыркүйекте басталған су тасқынынан қаза болғандар саны бүгін 30-ға жетіп отыр. Бұл туралы ИТАР-ТАСС хабарлады.
Синоптиктер мұнда жақын арада жаңбырдың күшейе түсетінін мәлімдеді.
Табиғи апат салдарынан елдің 33 провинциясындағы 15 мың ғимаратты су басып қалған. Сондай-ақ Тайландтың ірі Чаопрайя мен Тхачин өзендеріндегі су арнасынан тасыған. Аса қиын жағдай елдің солтүстік-шығыс бөлігінде байқалуда. Жалпы Тайландта су тасқынынан шамамен 3 млн. адам зардап шегіп отыр.
Айдар Өрісбаев.