Тариф құны әр қалада әр түрлі. Бұл туралы Индустрия және инфрақұрылымдық даму министрлігінің баспасөз қызметіне сілтеме жасай отырып Egemen.kz хабарлайды.
"SCAT" әуе компаниясы" АҚ сыйымдылығы 50 адамдық Bombardier CRJ200 типті әуе кемесімен субсидияланатын келесі рейстерді орындайды:
Нұр–Сұлтан – Үшарал - Нұр-Сұлтан бағытында 2020 жылғы 27 мамырдан бастап аптасына 7 рет. Жолаушыны бір жаққа тасымалдау тарифі 16 000 теңге.
Алматы - Үшарал - Алматы бағытында 2020 жылғы 28 мамырдан бастап аптасына 7 рет. Бір жаққа билет құны 10 000 теңге.
"Оңтүстік аспан" АҚ сыйымдылығы 50 адамдық АН-24 әуе кемесімен субсидияланатын келесі рейстерді орындайды:
Алматы – Үржар - Алматы бағытында 2020 жылғы 23 мамырдан бастап аптасына 7 рет. Жолаушыны бір жаққа тасымалдау тарифі 14 000 теңге.
Нұр-Сұлтан – Үржар - Нұр-Сұлтан бағытында 2020 жылғы 23 мамырдан бастап аптасына 7 рет. Жолаушыны бір жаққа тасымалдау тарифі 16 000 теңге.
"SCAT" әуе компаниясы" АҚ өтінімі бойынша қыркүйек пен қазан айларында жиіліктің азаюын ескере отырып, Нұр-Сұлтан мен Алматыдан Үшаралға аптасына қосымша 7 рейске көшіру мәселесі қарастырылуда.
Сондай–ақ, Министрлік 2020 жылға бөлінген субсидия көлемін ұлғайту және халықтың туристік қажеттілігін қанағаттандыру үшін Алматы– Жезқазған-Алматы, Нұр–Сұлтан – Балқаш - Нұр-Сұлтан, Нұр–Сұлтан – Үшарал - Нұр-Сұлтан бағыттарында қосымша рейстерді шілде айынан бастап іске қосу мәселесін пысықтауда", - делінген хабарламада.