Осы проблемаға аздап болса да үлесімізді қоссақ, ұтарымыз көп болмақ
Мәжілісте палата Спикері Нұрлан Нығматулиннің төрағалығымен өткен жалпы отырыста депутат Андрей Бегенеев Қоршаған ортаны қорғау министрі Нұрлан Қаппаровқа депутаттық сауал жолдаған еді. Онда былай делінеді:
Осы проблемаға аздап болса да үлесімізді қоссақ, ұтарымыз көп болмақ
Мәжілісте палата Спикері Нұрлан Нығматулиннің төрағалығымен өткен жалпы отырыста депутат Андрей Бегенеев Қоршаған ортаны қорғау министрі Нұрлан Қаппаровқа депутаттық сауал жолдаған еді. Онда былай делінеді:
«Еліміздің ұлан-ғайыр даласының сәйкес аумақтарын жасыл желекке бөлеудің аса маңызды екені анық. Қазақстанда орманды алқап елдің жалпы аумағы көлемінің 8-10 пайызын ғана құрайды. Сондықтан да Мемлекет басшысының бастамасы бойынша құрылған Астананың «жасыл белдеуінің» өзге өңірлерге де үлгі ретінде таралуы лайықты бастама болып отыр. Оның маңыздылығы туралы ел Президенті Нұрсұлтан Назарбаев: «Егер біз жыл сайын барлық облыста көгалдандыру ісімен айналысатын болсақ, онда Қазақстанды жасыл желекті елге айналдырамыз», деп атап өткен болатын.
Жасыл желекті көбейту мақсатында құрылған республикалық және жергілікті деңгейде мамандандырылған мемлекеттік құрылымдар және тиісті қызметтер бар, «Зеленстрой», «Жасыл ел» мемлекеттік бағдарламасы түріндегі және басқа да екпелер бар. Сенбіліктерде тал-теректерді отырғызу дәстүрге айналған. Алайда, Ресейдегі сияқты ағаш егу күні жоқ. Орманы көп болса да, көрші елде 18 мамыр Бүкілресейлік ағаш отырғызу күні болып белгіленген.
Ынталы адамдардың бастамасы бойынша өткізіліп жүрген қазақстандық сенбіліктер бюджет қаражатын да шығындайды. Сондықтан «Нұр Отан» партиясынан сайланған депутаттар ретінде бізді «Қазақстанның қай жерінде және қандай ағаштар түрі егіледі, ең бастысы, соның қаншасы өсіп шығады?» деген сұрақтар толғандырады. Өйткені, Қазақстанның көптеген аймағында әлі күнге дейін тоғай да, бір шоқ бұта да жоқ.
Сол себепті «Ормандарды дамытуға, аумақтарды көгалдандыруға республика бойынша тұтастай алғанда және өңірлерге бөлгенде мемлекет қаражаты қалай жұмсалады?» деген сұрақ туындап отыр».