Кеше Парламент Сенатының Төрағасы Қайрат Мәми Астана және Қазақстан Митрополиті Александрмен кездесті.
Әңгіме барысында дінаралық үнқатысу мен өзара ынтымақтастықты ілгерілету туралы сөз болды. Әлемдік және дәстүрлі діндер лидерлері съезі Хатшылығының қорытындылары талқыланды.
Съезд Хатшылығының Басшысы ретінде Қ.Мәми православ діни қайраткерлеріне қоғамдағы толеранттықты, бейбітшілік пен келісімді нығайтудағы белсенді қызметі үшін ризашылығын білдірді.
Кездесу барысында Митрополит Александр барша мұсылмандарды келе жатқан Құрбан айт мерекесімен құттықтады, деп хабарлады Парламент Сенатының баспасөз қызметі.