Кеше Премьер-Министр Серік Ахметовтің төрағалығымен Мемлекет басшысының үстіміздегі жылдың 11 қазанында өткен Үкіметтің кеңейтілген отырысында айтқан тапсырмаларын жүзеге асыру жөніндегі шаралар қаралды, деп хабарлады Премьер-Министрдің баспасөз қызметі.
Кеше Премьер-Министр Серік Ахметовтің төрағалығымен Мемлекет басшысының үстіміздегі жылдың 11 қазанында өткен Үкіметтің кеңейтілген отырысында айтқан тапсырмаларын жүзеге асыру жөніндегі шаралар қаралды, деп хабарлады Премьер-Министрдің баспасөз қызметі.
Үкіметтің кеңейтілген отырысында тыңдалған әлеуметтік-экономикалық даму қорытындылары бойынша Мемлекет басшысы бірқатар маңызды міндеттер қойды. Президент сөзінен туындайтын негізгі сәттерге назар аудара отырып, С.Ахметов осы тапсырмаларды тиімді жүзеге асыру үшін мемлекеттік органдар күш-жігерлерін үйлестіру қажеттігін атап өтті.
Бюджет саясаты мен мемлекеттік сатып алулар жүйесін оңтайландыру саласында Үкімет басшысы жыл соңына дейін барлық деңгейдегі орталық мемлекеттік органдар басшыларының бөлінген бюджет қаржыларын, соның ішінде трансферттерді де барынша игеруді қамтамасыз етуі қажеттігін атап көрсетті.
Сол сияқты Мемлекет басшысының тапсырмаларын ескере отырып, мемлекеттік және салалық бағдарламаларды инвентаризациялау жұмыстарын жалғастыру қажет, дей келіп, С.Ахметов бірқатар көрсеткіштер бойынша өсімді, соның ішінде еңбек өнімділігін қамтамасыз ететін бағдарламаларды анықтау қажеттігін атады.
Мемлекеттік сатып алулар мәселесіне қатысты С.Ахметов Қаржы министрлігіне Мемлекет басшысының тапсырмаларын ескере отырып, мүдделі мемлекеттік органдармен, өңірлер әкімдерімен бірлесіп, заңнаманы жетілдіру жөнінде нақты ұсыныстар енгізуді ұсынды. Сондай-ақ, ол барлық тендерлік комиссияларды орталық мемлекеттік органдардың бірінші басшылары мен өңірлер басшыларының басқаратынын атап көрсетті.
Кәсіпкерлікті дамыту жөніндегі Президент тапсырмаларын орындау тұрғысында Экономика және бюджеттік жоспарлау министрлігі холдингтермен және ұлттық компаниялармен бірлесіп, оларды жеке секторға бере отырып квазимемлекеттік субъектілерді оңтайландыру жөніндегі жұмыстарды жалғастыруы тиіс.
Сондай-ақ, Үкімет басшысы мемлекеттік индустриялық саясатты одан әрі жүзеге асыру, арнайы экономикалық аймақтардың жұмыс істеуі, пайдаланылмайтын жерлерді инвентаризациялау мәселелеріне қатысты да бірқатар тапсырмалар берді.
Өңірлік саясатты одан әрі дамыту мәселесіне қатысты С.Ахметов Өңірлік даму министрлігі алдына мемлекеттік бағдарламаларды инвентаризациялау шеңберінде өңірлерді дамыту бағдарламаларын жүзеге асыру тиімділігіне талдау жасау және оларды оңтайландыру жөнінде ұсыныстар енгізу туралы міндет қойды. Экономика және бюджеттік жоспарлау министрлігі мен Өңірлік даму министрлігі өңірлік даму саласындағы өздерінің функциялары мен өкілеттіктерін қайта қарау мәселесін ойластырып, Үкіметке ұсыныстар енгізуі тиіс.
Бүтіндей алғанда өңірлік саясат саласындағы жұмыстардың жүйелілігі мен үйлестірілуін Өңірлік даму министрлігі жүзеге асыратын болады. Бұл орайда Экономика және бюджеттік жоспарлау министрлігімен бірлесе отырып қаралатын өңірлерді дамытудың барлық бюджеттері қалыптастырылуы тиіс, деді С.Ахметов.
Әлеуметтік жаңғырту саласында, Мемлекет басшысының тапсырмаларын ескере отырып, мүдделі мемлекеттік органдарға білім беру, денсаулық сақтау және әлеуметтік қорғау мәселелері бойынша ұсыныстар енгізу тапсырылды.
С.Ахметов Президент өткізген кеңес қорытындысы бойынша берілген тапсырмаларды жүзеге асыруда кешенді жоспар әзірлеу жөнінде өкім берді.
Сол сияқты Үкімет басшысы өңірлер әкімдерінің назарын елді мекендердің алдағы қысқа дайындығы, әлеуметтік маңызды азық-түлік бағаларының тұрақтылығы және жиналған астықтың сақталуын қамтамасыз ету мәселелеріне аударды.
Бүгін Мемлекет басшысы тарапынан жеткілікті дәрежеде ашық, шынайы әңгіме болып, сындарлы сын айтылды, дей келіп, біз Президент тапсырмаларын жүзеге асыру жөніндегі барлық іс-шараларды кешенді жоспарға енгізіп, осынау үлкен жұмысқа кірісуіміз керек, деп түйіндеді сөзін Премьер-Министр.