Халықаралық конькимен жүгірушілер одағы (ISU) жаңа маусымдағы Гран-при турнирлерінің өткізілу форматына айтарлықтай өзгеріс енгізді, - деп хабарлады Оlympic.kz.
Індетке байланысты, серия ұлттық жарыс форматында өтеді. Жарысқа сол мемлекетте тұратын және жаттығатын спортшылар қатысады.
Сондай-ақ жақын мемлекеттерде тұратын атлеттердің қатысу мүмкіндігі бар. Әр спортшы Гран-при кезеңінің тек бір сериясына қатыса алады. Ал жалпы есептегі ұпай бұл жолы есептелмейді. Финал 10-13 желтоқсан аралығында Бейжіңде жоспарланған.