Азия гандбол федерациясы гандболдан әйелдер арасындағы құрлық біріншілігі өтетін мерзімді атады. Бұл туралы Egemen.kz Olympic.kz-ке сілтеме жасап хабарлайды.
Азия гандбол федерациясының атқарушы комитеті әйелдер арасындағы бәсекенің өту уақытын жариялады. Әйелдер арасындағы Азия біріншілігі 10-20 желтоқсан аралығында өтеді.
Аталған турнир 2021 жылы Испанияда өтетін әлем біріншілігіне іріктеу кезеңі саналады.
Құрлықтық федерация әлемдік гандбол ұйымымен ақылдаса келе, осындай шешім қабылдағанын мәлім етті.