ҚР Экология, геология және табиғи ресурстар министрлігінің ұсынысына сәйкес атмосфералық ауаның жай-күйі туралы ақпаратты тарату бастамасына Атырау қаласы да қосылып отыр, - деп хабарлайды Egemen.kz
"Биылғы 12 тамыздан бері қаладағы LED экрандарда Казгидромет» РМК Атырау филиалының бақылау желісінен атмосфералық ауаның жай-күйі көрсетіле бастады. Қ.Сәтпаев көшесіндегі 4 LED экрандағы ақпарат сағат сайын жаңартылады. Ауа сапасының негізгі көрсеткіштері, яғни, РМ 10, PM 2,5 қалқыма бөлшектері, күкірт диоксиді, азот диоксиді, азот оксиді, көміртегі оксиді, күкіртсутегі туралы деректер қамтылады", - деді Атырау қалалық әкімдігінің баспасөз хатшысы Назымгүл Қайсағалиева.