Облыстық Төтенше жағдайлар департаментінің ақпаратына қарағанда, көлікті бүгін, 24 тамызда өрт шарпыған, - деп хабарлайды Egemen.kz.
"Департаменттің диспетчерлік пультіне сағат 01:18-де Жылыой ауданындағы Жем ауылдық округінде 35 жастағы азаматтың иелігіндегі "УАЗ-39094" маркалы көліктің өртеніп жатқаны туралы хабар түсті. Қызыл жалын шарпыған көлікті сөндіруге "Өрт сөндіру және авариялық-құтқару жұмыстары" қызметінің 3 қызметкері мен 1 техника жұмылдырылды", - деп хабарлады департаменттің баспасөз қызметі.
Өрттің шығу себебі анықталып жатыр.