Сыбайлас жемқорлыққа қарсы іс-қимыл агенттігі Атырау облысы бойынша департаментінің қызметкерлері патрульдік-полиция ротасының командирін ақша бопсалады деген күдікпен ұстады.
«Күдікті қарамағындағы қызметкерлерінен қамқорлығы үшін 5 000-нан 70 000 теңгеге дейінгі мөлшерде бопсалау жолымен жүйелі негізде пара алып келген. Қазір аталған дерек бойынша қылмыстық іс тергелуде. Сотпен күдіктіге қатысты қамауда ұстау түріндегі бұлтартпау шарасына санкция берілді» - деп хабарлады Сыбайлас жемқорлыққа қарсы іс-қимыл агенттігі Атырау облысы бойынша департаментінің баспасөз қызметі.