Сыртқы істер министрі Ерлан Ыдырысов BNews.kz порталының студиясында болып, «2050» Стратегиясы аясындағы сыртқы саяси тапсырмаларды жүзеге асыру» тақырыбында өткен онлайн-конференцияға қатысты, деп хабарлады ҚР СІМ-інің баспасөз қызметі.
Сыртқы істер министрі Ерлан Ыдырысов BNews.kz порталының студиясында болып, «2050» Стратегиясы аясындағы сыртқы саяси тапсырмаларды жүзеге асыру» тақырыбында өткен онлайн-конференцияға қатысты, деп хабарлады ҚР СІМ-інің баспасөз қызметі.
СІМ басшысы Қазақстанның сыртқы саяси бағыты туралы интернет қолданушылар сұрақтарына жауап беріп, Қазақстан Президенті «2050» Стратегиясында алға қойған тапсырмалардың жүзеге асырылу барысымен таныстырды. АҚШ, Ресей, Қытай және Орталық Азия елдерімен қарым-қатынас тақырыбы, Қазақстанның басқа мемлекеттермен халықаралық ұйымдар шеңберіндегі ынтымақтастығы кеңінен сөз болды. Е.Ыдырысов өзінің Латын Америкасы елдеріне сапарында алған әсерлерімен бөлісіп, сапардың негізгі нәтижелері жөнінде, соның ішінде Аргентина, Чили және Бразилия елдерімен визасыз кіріп-шығу келісімдері туралы айтып берді.
Сонымен қатар, сыртқы саясат ведомствосының басшысы трансшекаралық сулар мәселесін шешуде Сыртқы істер министрлігі қабылдап отырған шараларды түсіндіріп, визалық мәселелер мен Қазақстан азаматтарының шетелдерде құқықтарын қорғау мәселелеріне ерекше назар аударды.
Онлайн-конференцияның бейне материалы мен мәтінін www.bnews.kz сайтынан көруге болады.