Төлеген Байғұлов облыстық әкімдікте өткен кеңеске қатысып, "Адалдық алаңы" республикалық жобалық офисінің жұмысы туралы баяндады, деп хабарлайды Egemen.kz.
Облыс әкімінің бірінші орынбасары Ғауез Нұрмұхамбетовтің төрағалығымен өткен шараға өңірдегі барлық мемлекеттік органдардың басшылары бейнеконференция байланысы арқылы қатысты.
Төлеген Байғұлов: «Күрмеулі мәселелер қордаланып қалған салаларда жұмысты жандандыру, сервистік әкімдіктердің жұмысын тиісті деңгейде жүргізу қажет, халықпен кері байланыс болмаса, мемлекеттік аппараттың жұмысы тиімсіз болады» - деді.
Кездесу барысында екі күн бойы сервистік әкімдіктердің қызметіне жүргізілген мониторинг қорытындылары талқыланды. Жиын барысында сөз болған мәселелерге қатысты қабылданған шешімдерді Президент Әкімшілігіне ұсынатынын айтқан Т. Байғұлов аудан әкімдерінен орталық ауылдық округтерде сервистік әкімдіктердің ашылуын қамтамасыз етіп, олардың жұмыс сапасын күшейтуді сұрады.