Өткен жұма күні Ресейдің Алтай өлкесінің губернаторы Александр Карлин бастаған делегация Шығыс Қазақстан облысының Глубокое ауданы мен Өскемендегі бірқатар салынып жатқан әлеуметтік нысандарды аралады, екі жаққа да тиімді меморандумға қол қойды. Ең алдымен, өңір басшысы Бердібек Сапарбаев пен келген қонақтар Алтай өлкесінің Поспелиха-Курья-Третьяково-Қазақстан шекарасын жалғастырып жатқан күрежолдың салтанатты ашылуына қатысты.
Өткен жұма күні Ресейдің Алтай өлкесінің губернаторы Александр Карлин бастаған делегация Шығыс Қазақстан облысының Глубокое ауданы мен Өскемендегі бірқатар салынып жатқан әлеуметтік нысандарды аралады, екі жаққа да тиімді меморандумға қол қойды. Ең алдымен, өңір басшысы Бердібек Сапарбаев пен келген қонақтар Алтай өлкесінің Поспелиха-Курья-Третьяково-Қазақстан шекарасын жалғастырып жатқан күрежолдың салтанатты ашылуына қатысты.
170 шақырымдық жол 20 жыл бойы жөндеуден өтпей екі ел арасындағы барыс-келіске кедергі келтірсе, енді жол тақтайдай тегіс. Алтай өлкесі 9 шақырымдық жолды жөндеуге ғана 238,5 миллион рубльді бюджеттен бөліпті. Облыс әкімі салтанатты жиында келген қонақтарға ілтипат білдіріп, жаңа жолдың екі ел арасындағы сауда-саттықты жандандырып қана қоймай, туризмнің дамуына ықпал жасайтынына тоқтала кетті.
Алтай өлкесінің делегациясы Шемонаиха қаласындағы өнер мектебінде, Глубокое ауданындағы Бобровка ауылындағы сиырды роботпен сауатын кешенде, Өскеменде жаңадан пайдалануға берілген, ТМД елдерінде теңдесі жоқ құс етін тереңдетіп өңдейтін зауытта, фермерлерге арналған «Фреш-Маркет» сауда үйінде, жеңіл атлеттер және жекпе-жек сарайы құрылысын аралап көріп, Өскемендегі өркенді өзгерістерге жоғары баға берді. Шығыс Қазақстанда өндірілетін азық-түлік бұдан былай Ресейдің Алтай өлкесіне еш кедергісіз жөнелтілмек. Бұл екі ел арасындағы сауда-саттық көлемін арттыруға айтарлықтай үлес болып қосылады.
Оңдасын ЕЛУБАЙ,
«Егемен Қазақстан».
ӨСКЕМЕН.