Мемлекет басшысы Нұрсұлтан Назарбаевтың Жарлығымен Бақытжан Сағынтаев Қазақстан Республикасы Премьер-Министрінің бірінші орынбасары болып тағайындалды. Бұл туралы Ақорда сайтына сілтеме жасай отырып Egemennews.kz тілшісі хабарлады.
«Бақытжан Әбдірұлы Сағынтаев Қазақстан Республикасы Премьер-Министрінің бірінші орынбасары болып тағайындалсын, ол Қазақстан Республикасы Премьер-Министрінің бірінші орынбасары – Қазақстан Республикасының Өңірлік даму министрі қызметінен босатылсын», - делінген Жарлық мәтінінде.