Ұлттық кітапханада Қазақстанның Сыртқы істер министрлігі өкілдігінің қатысуымен "Кореяға терезе – Window on Korea" кітап бұрышының ашылу салтанаты өтті, деп хабарлайды Egemen.kz СІМ баспасөз қызметіне сілтеме жасап.
Іс-шара Корея Республикасының ұлттық мерекесі – Мемлекет құрылған күніне орайластырылды, ал жобаның өзі Корея Ұлттық кітапханасының бастамасымен және Алматы қаласындағы Корея Республикасының Бас консулдығының қолдауымен жүзеге асырылды. Оның аясында кітапханада арнайы оқу залы жабдықталды, онда келушілер корей жазушыларының шығармаларымен танысып, корей ұлттық қолданбалы өнерінің пәндерін тамашалай алады.
Алматы қаласындағы СІМ өкілдігінің басшысы Ерлан Ысқақов алғы сөз сөйлеп, халықтарымыздың арасында шынайы достық қарым-қатынас орнағанын айтты. Қазіргі уақытта Қазақстандағы корей диаспорасы екі ел арасындағы «жанды көпір» ғана емес, сонымен қатар екіжақты қарым-қатынастарды дамытудағы белсенді элемент болып табылады, ал саяси және экономикалық байланыстар жылдан жылға нығайып келеді. Дипломат, сондай-ақ өршіп бара жатқан індет шыңына гуманитарлық жүк түрінде Қазақстанға жан-жақты көмек көрсеткен корей компаниялардың үлесін атап өтіп, Корея Республикасының азаматтарын ұлттық мерекесімен құттықтады.
Қазақстанның Ұлттық кітапханасы үшін бұл презентация алғашқы іс-шара емес. Мәселен, 1994 жылы Абай шығармаларының корей тіліндегі басылымы ұсынылды, ал 2004 жылдан бастап оның қабырғаларында Ресей, Қытай, Пәкістан, Түркия, Үндістан және Иранның кітап бұрыштары табысты жұмыс істеп, дамып келеді. Мұндай тәжірибені енгізу елдеріміз арасындағы мәдени-ақпараттық ынтымақтастықты нығайтуда ынталандырушы фактор болып табылады.