Қазақ күресінің келешегі туралы кеңес

Астанада «Қазақстан Барысы» қазақ күресін дамыту қорының ұйымдастыруымен «Қазақ күресінің өткені, бүгіні мен болашағы» атты ғылыми-тәжірибелік конференциясы өтті.

Жиында қазақ күресін зерт­теуші ғалымдар, тарихшылар, этнографтар, облыстық федерациялар басшылары мен шетел­дік қонақтар, соның ішін­де шет­ел­дердегі қазақ күресі феде­рация­ларының жетекшілері баяндамалар жасады. Ал негізгі баяндаманы Дүниежүзілік қазақ күресі федерациясының президенті Серік Төкиев пен «Қазақстан Барысы» қазақ күресін дамыту қорының қамқорлық кеңесінің төрағасы Арман Шораев жасады.

Астанада «Қазақстан Барысы» қазақ күресін дамыту қорының ұйымдастыруымен «Қазақ күресінің өткені, бүгіні мен болашағы» атты ғылыми-тәжірибелік конференциясы өтті.

Жиында қазақ күресін зерт­теуші ғалымдар, тарихшылар, этнографтар, облыстық федерациялар басшылары мен шетел­дік қонақтар, соның ішін­де шет­ел­дердегі қазақ күресі феде­рация­ларының жетекшілері баяндамалар жасады. Ал негізгі баяндаманы Дүниежүзілік қазақ күресі федерациясының президенті Серік Төкиев пен «Қазақстан Барысы» қазақ күресін дамыту қорының қамқорлық кеңесінің төрағасы Арман Шораев жасады.

Серік Төкиев өз сөзінде төл күресімізді дамытуда атқарылған және қазіргі кезде істеліп жатқан жұмыстар мен алдағы уақытқа жоспарланған іс-шаралар туралы айтып берді. Сонымен бірге, ол Дүниежүзілік қазақ күресі федерациясының ешқандай мемлекеттік органнан көмек алмай, төл күресімізді өз күшімен дамытып келе жатқанын, күресіміздің Спорт және дене-шынықтыру істері агенттігі мен Ұлттық олимпиадалық коми­теттің қолдауына зәру болып отырғанын атап өтті. Ал «Қазақ­стан Барысы» қазақ күресін дамыту қоры қамқорлық кеңесінің төрағасы Арман Шораев әрбір қазақ үшін төл күресіміздің мәні мен маңызын, оның тарихымызда, дүниетанымымызда алатын орны туралы айта келіп, болашақта оны еліміздегі №1 спорт түріне айналдыру керектігін, бұл үшін бізге моңғолдар мен жапондардың озық тәжірибелерін пайдалану қажеттігін атап көрсетті.

Жиында қазақ күресінің ма­мандары, балуандар, жаттық­тырушылар мен төрешілер төл күресіміздің даму тарихы мен қалыптасу кезеңдері, қазақ күре­сі ережесі мен төрешілердің білік­тілігі, балуанның киімі, болашақ балуандарды тәрбиелеу, мамандарды дайындау сияқты мәселелерді талқылады. Жиында осы мәселелер бойынша қазақ күресінің ережесі мен төрешілік жайына және спорттық күртешеге өзгеріс енгізу туралы ұсыныстар жасалды.

Конференция бес секция бойынша өтті. Онда 1959 жылғы ІІ КСРО халықтары Спартакиадасында қа­зақ күресінен көрсетілім бел­де­сулеріне қатысқан Сақатай Аман­жолов, қазақ күресінен тұң­ғыш рет спорт шебері атанған арда­герлер Сайлау Сақаев пен Қуаныш Әбекбаев және Мейірхан Аманбаев, спорт ардагерлері Серғали Жақсылықбаев, Хамит Ысқақ, Қазақтың спорт және туризм академиясының профессоры Ерғали Мұхиддинов, қазақ күресінен Қазақстан Рес­публикасына еңбек сіңірген жаттықтырушы Диханбай Бит­көзов, мемлекеттік жаттық­ты­ру­шы Марат Жақыт сөз сөй­леп, өз ойларын ортаға салды. Конференция аясында төл күре­сіміздің дамуына атсалысқан азаматтар «Қазақ күресіне қосқан үлесі үшін» жүлдесімен марапатталып, Әділетті Жоғарғы Күрес Хартиясы салтанатты түрде қа­былданды.

Конференция қорытындысында қазақ күресін дамытуда жаңа шешім­дер қабылданды. Осы шешім­дер мен дайындалған материалдар заңды құжаттар қатарына енуі үшін арнайы орындарға ұсынылады.

Дастан КЕНЖАЛИН,

«Егемен Қазақстан».

Суретті түсірген

Ерлан ОМАРОВ.