Санкт-Петербургте онлайн қазақ сыныбы жұмысын бастады деп жазады, Egemen.kz
Аталмыш жоба "Дүниежүзі қазақтары қауымдастығы" РҚБ және "Отандастар қоры" КеАҚ қолдауымен жүзеге асырылды. Арнайы құрылғылар "Ата-Мекен" өңіраралық қоғамдық бірлестігіне жіберілді. Онлайн сынып Ұлттық әдебиеттер кітапханасында орналасқан.
1 ақпан және 30 мамыр аралығында онлайн оқытудың І семестр сабақтары өтеді. Қатысу үшін "OQ-BILIM" телеграм каналына жазылып, сілтеме арқылы өту керек. Семестр соңында курс тыңдаушылары тестілеуден өтіп, арнайы сертификатпен марапатталады. Курсты сәтті аяқтаған мектеп оқушылары Қазақстандағы жазғы лагерлерге тегін жолдама алады.