Театр әкімшілігі жасөспірімдердің өнер ошағын тегін аралап, тамашалауына мүмкіндік туғызады. Күзгі демалыс уақытында өздері үшін жасалған мұндай айрықша сыйға өркендер дән риза. Театрдың мұражайы мен камералық залын тамашалаған оларға, әсіресе, Ресейдің Үлкен театрынан әкелінген жәдігерлер ерекше әсер қалдырды. Өнер шаңырағының басты залында оқушылар өз дауыстарын сынап көрсе, камералық залда француздық және итальяндық шеберлер салған картиналардың көркемдігіне тәнті болды.
Театр әкімшілігі жасөспірімдердің өнер ошағын тегін аралап, тамашалауына мүмкіндік туғызады. Күзгі демалыс уақытында өздері үшін жасалған мұндай айрықша сыйға өркендер дән риза. Театрдың мұражайы мен камералық залын тамашалаған оларға, әсіресе, Ресейдің Үлкен театрынан әкелінген жәдігерлер ерекше әсер қалдырды. Өнер шаңырағының басты залында оқушылар өз дауыстарын сынап көрсе, камералық залда француздық және итальяндық шеберлер салған картиналардың көркемдігіне тәнті болды.
Оқушыларға тегін экскурсия ұйымдастыру жобасын қолға алу нәтижесінде өскелең ұрпақтың бойына мәдени, этикалық және эстетикалық құндылықты қалыптастыру идеясы жүзеге асырыла бастағандай. «Басты мақсат – балаларды қызықтыру, олардың бойындағы театрға деген сүйіспеншілікті, сахна өнеріне деген талғамды қалыптастыру, сонымен қатар, жас өркеннің бекзат өнерді дамытуға атсалысуы үшін эмоциялық-психологиялық жайлылықты қамтамасыз ету», – дейді бұл туралы «Астана Опера» мемлекеттік опера және балет театрының директоры Т.Мұхамеджанов.
Балалардың көлік шығынын Астана қалалық білім басқармасы өз мойнына алған. Театр әкімшілігі бұл жобаны келешекте республика көлемінде жүзеге асыруға мүдделілік танытып отыр.
«Егемен-ақпарат».