Л.Н.Гумилев атындағы Еуразия Ұлттық университетінің кітапханасында көрнекті әдебиеттанушы, қоғам қайраткері, академик Сейіт Қасқабасов оқырман қауыммен кездесті. Оған Сейіт ағаның шәкірттері, әріптестері, сондай-ақ, ЕҰУ-дің студенттері мен Астана қаласының мектеп кітапханашылары және ғылыми кітапхана қызметкерлері қатысты.
Л.Н.Гумилев атындағы Еуразия Ұлттық университетінің кітапханасында көрнекті әдебиеттанушы, қоғам қайраткері, академик Сейіт Қасқабасов оқырман қауыммен кездесті. Оған Сейіт ағаның шәкірттері, әріптестері, сондай-ақ, ЕҰУ-дің студенттері мен Астана қаласының мектеп кітапханашылары және ғылыми кітапхана қызметкерлері қатысты.
Кездесу барысында жиналғандар академиктің өмір жолы, қазақ әдебиетін дамытуға қосқан зор үлесі жайлы сөз сабақтады. Сейіт Асқарұлы болса, ғылым жолына алғаш аяқ басқан сәттері, ірі тұлғалармен кездесулері жайлы әңгімеледі.
Сейіт Қасқабасов – елімізге белгілі тұлға. Оның ғылым саласында бағындырған биіктері шоқтықты. Ол – Қазақстан Республикасы Ұлттық ғылым академиясының академигі, Қазақстан Республикасы Мемлекеттік сыйлығының лауреаты, Ш.Уәлиханов атындағы сыйлықтың лауреаты, филология ғылымдарының докторы, профессор.
Кездесуге қатысушылар арнайы ұйымдастырылған кітап көрмесін және академиктің өмірінен сыр шертетін фотосуреттерді тамашалады.
«Егемен-ақпарат».