Шығыс Қазақстан облысы Алтай ауданы Серебрянск қаласының әкімі 29 қазаннан бастап отставкаға кетті, деп хабарлайды Egemen.kz Устинка LIVE сайтына сілтеме жасап.
Ол денсаулығына байланысты осындай шешім жасағанын айтты. Гордиенко бұл қызметті 14 жыл 6 ай, 25 күн атқарған.
"Сіздермен бірге көп нәрсеге қол жеткіздік. Атымызды сақтап, қиын кезеңнен өттік. Қала басшысы ретінде менің міндетім осы болды деп есептеймін. Мен оны орындадым деп ойлаймын. Серебрянскке әрі қарай дамуы үшін жігерлі, бәріне үлгеретін және осы жердің көркеюі үшін үздіксіз еңбек ететін жастар керек. Осындай үлкен қолдауларыңыз үшін бәріңізге рақмет", деді Сергей Гордиенко.