Біздің облыстағы «Павлодар» деп атау берілген еркін экономикалық аймақ «құрылады, ашылды» дегелі де біраз болып қалды. Облыс орталығының солтүстік өнеркәсіп аумағында орналасқан еркін экономикалық аймақтың жалпы көлемі 3300 гектар жерді алып жатыр. Жоба еліміз үшін маңызды. Мамандардың айтуынша, оның жұмысын жандандыру үшін химия саласында табысты жұмыс істеп келе жатқан шетелдік кәсіпорындармен әріптестік орнату қажет. Сонда ғана бұл іске мол инвестиция тартудың мүмкіндігі қалыптаспақ. Егер аймақ аумағына 50-60-тай кәсіпорын сыйып кететіндігін ескерсек, бұл әрине бір күннің шаруасы емес.
Біздің облыстағы «Павлодар» деп атау берілген еркін экономикалық аймақ «құрылады, ашылды» дегелі де біраз болып қалды. Облыс орталығының солтүстік өнеркәсіп аумағында орналасқан еркін экономикалық аймақтың жалпы көлемі 3300 гектар жерді алып жатыр. Жоба еліміз үшін маңызды. Мамандардың айтуынша, оның жұмысын жандандыру үшін химия саласында табысты жұмыс істеп келе жатқан шетелдік кәсіпорындармен әріптестік орнату қажет. Сонда ғана бұл іске мол инвестиция тартудың мүмкіндігі қалыптаспақ. Егер аймақ аумағына 50-60-тай кәсіпорын сыйып кететіндігін ескерсек, бұл әрине бір күннің шаруасы емес.
Дегенмен, Елбасы тапсырмасын орындау барысында осы «Павлодар» арнайы экономикалық аймағында жуырда екі жаңа өндірістің іске қосылатындығы белгілі болды. Бұл жайында «Каустик» АҚ пен «Белизна-ПВ» ЖШС кәсіпорындарындағы технологиялық үдерістің орындалу барысымен танысқан облыс әкімі Ерлан Арын мәлім етті. Іске қосылмақ екі өндірістің бірі – «Каустик» АҚ-та тұз қышқылы, ал, «Белизна-ПВ» ЖШС-інде тұрмыста қолданылатын химиялық заттар шығару қолға алынбақшы. Зауыттың тұз қышқылын өндіретін зауыттың қуаттылығы жылына 45 мың тонна екен. Бұл күндері елімізде қолданылатын тұз қышқылы Ресей, Өзбекстан және Қытайдан әкелінеді. Ал, жаңадан шығатын павлодарлық өнім бәсекеге қабілетті.
Арнайы экономикалық аймақ аумағында жүзеге асқан бұл жобалар салықтар мен кедендік жеңілдіктер бойынша басымдылықтарға ие. Сонымен бірге, екінші жобаға салынған инвестиция көлемі 150 миллион теңгені құрап отыр. Енді «Белизна-ПВ» ЖШС-нің өнімдері ірі дистрибьютерлік компаниялар мен сауда желілері арқылы сатылады. Компания елімізге әкелінетін өнімдерге қарағанда өз өнімдерін арзандау бағамен сатады. Ендігі үміт осы кәсіпорындардың алдағы уақытта шынайы түрде іске қосылып, лента қиған соң тоқтап қалмай, ел игілігіне жұмыс жасауында болып отыр. Олардың жұмысына сәттілік тілейміз.
Фарида БЫҚАЙ,
«Егемен Қазақстан».
Павлодар облысы.