Британдық ғалымдар коронавирусқа қарсы иммунитет бұрын COVID-19-бен ауырмаған адамдарда пайда болуы мүмкін екенін анықтады. Зерттеу нәтижелері Science порталында жарияланды, деп хабарлайды Egemen.kz.
Мамандар 302 адамның қан талдамаларын зерттей келе олардың 16-сында коронавирусқа антиденелер барын анықтаған. Бұл жағдай олардың коронавирусқа ұқсас вирус жұқтырғанымен түсіндірілді.
Ғалымдар кейбір адамдарда бұрын алынған иммунитеттің үлесі болуы мүмкін деген қорытындыға келді. Әзірге коронавирустан иммундық қорғаныстың тиімділігі дәлелденген жоқ.
Олардың айтуынша, Сovid-19-бен ауырмаған адамдарда табылған антиденелер коронавирус жұқтырған науқастардыкінен ерекшеленеді.