Nur Otan партиясының кезекті Съезінде Президент Қасым-Жомарт Тоқаев студенттердің шәкіртақысы 2 есе, магистранттар мен докторанттардың шәкіртақысы 1,5 есе көбейетінін айтып өтті, деп хабарлайды Egemen.kz
"2025 жылға қарай жоғары білім алу үшін бөлінетін гранттың саны 50 пайызға артады. Бұл 75 мың жас азаматымыз жоғары білімді тегін алады деген сөз", деді Мемлекет басшысы.
Бұдан бөлек, Мемлекет басшысы студенттерге материалдық қолау көрсету ісі жалғаса беретінін баса айтты.
"Студенттер шәкіртақысы 2 есе, магистранттар мен докторанттардың шәкіртақысы 1,5 есе көбейеді. 2025 жылға қарай колледждер мен университеттердің жатақханасындағы орын саны кем дегенде 50 мыңға артады", деді Президент Қасым-Жомарт Тоқаев.