Төтенше жағдайлар министрлігінің ресми өкілі Талғат Уәли бүгін таңғы 05.40-та төтенше жағдайлар қызметіне Алматы облысы Ұйғыр ауданының Шонжы ауылында жеке тұрғын үйден өрт шыққаны туралы хабар келіп түскенін хабарлайды, деп жазады Egemen.kz
Өрт сөндірушілер оқиға орнына 4 минутта жетті. Бұл кезде жеке тұрғын үй аумағындағы уақытша салынған нысан отқа оранған еді.
Өрт сөндіру барысында оқиға орнынан төрт адамның мәйіті табылды. Өрт сағат 06.09-да ауыздықталып, сағат 06. 45-те сөндірілді. Жалын шарпыған аумақ 40 шаршы метрді құрады. Өрттің шығу себебі анықталып жатыр.