Қазақстанның кәсіпқой футбол лигасы ҚПЛ-дің биылғы маусымының қорытындысы бойынша шартты құраманың тізімін жария етті.
30 қарашада мәресіне жеткен 2020 жылғы ел біріншілігінде араға 16 жыл салып Алматының «Қайраты» топ жарған болатын. Нәтижесінде, чемпионаттың символикалық құрамасына чемпиондардың бес футболшысы енген. Ал күміс жүлдегер «Тобыл» мен жетінші орын иегері «Қайсар» командасынан екі ойыншыдан, қола жүлдегер «Астана» мен бесінші орын алған «Ордабасы» клубтарынан бір-бір ойыншыдан еніп отыр.
Қақпашы – А.Мокин («Тобыл»). Қорғаушылар – І.Әмірсейітов («Қайсар»), Р.Дугалич, Н.Әліп, Ғ.Сүйімбаев (үшеуі де – «Қайрат»). Жартылай қорғаушылар – Д.Канкава («Тобыл»), Т.Барсегян («Астана»), А.Тағыберген («Қайсар»), Ж.Пауло («Ордабасы). Шабуылшылар – А.Айымбетов, В.Лав (екеуі де – «Қайрат»).