Декларацияның 65 жылдығына арналды

Кеше Сыртқы істер министрлігінде Бірік­кен Ұлттар Ұйымы Бас Ас­самблеясы­ның Адам құқық­тарының жалпыға бір­дей дек­ларациясын қа­былдауына 65 толуына және халықаралық Адам құқығы күнiне арналған дөңгелек үстел болып өттi.

Кеше Сыртқы істер министрлігінде Бірік­кен Ұлттар Ұйымы Бас Ас­самблеясы­ның Адам құқық­тарының жалпыға бір­дей дек­ларациясын қа­былдауына 65 толуына және халықаралық Адам құқығы күнiне арналған дөңгелек үстел болып өттi.

Дөңгелек үстелге қаты­су­шы­ларға Қазақстан Президенті жанындағы Адам құқықтары жөніндегі комиссияның төрағасы Қуаныш Сұлтанов, Қазақстан Рес­публикасы Сыртқы істер министрінің орынбасары Алек­сей Волков, Біріккен Ұлттар Ұйымының Қазақстандағы Тұрақты үйлестірушісі Стивен Тулл, Еуропалық Одақ Өкілдігінің Қазақстандағы басшысы Аурелия Бушез, Ұлыбританияның Қазақстандағы елшілігі істерінің сенім білдірілген өкілі Грег Куинн және Біріккен Ұлттар Ұйымының Босқындар істері жөніндегі Жоғарғы Комиссарының Орталық Азиядағы Өңірлік өкілі Сабер Азам құттықтау сөз сөйледі.

Дөңгелек үстел барысында Қазақстан Республикасының Конституциясымен және қол­даныстағы заңнамасымен қам­тамасыз етілген адам құқықтары мен бостандықтарының іске асуы туралы, халықаралық стандарттарға сәйкес адам құқықтарын қорғау мен қамтамасыз етудің ұлттық тетіктерін одан әрі жетілдіру жайында кеңінен пікір алмасу болды.

Дөңгелек үстелге қатысушы­лар­дың жасаған баяндамалары мен сөйлеген сөздерінде халықаралық құқықтың нормаларын ұлттық заңнамаға енгізу мәселелері, адам құқықтарын қорғаудың халықаралық және ұлттық тетiктерiн жетілдіру, сондай-ақ, адам құқықтарын сотта және соттан тыс институттарда қорғаудың өзекті мәселелері айтылды.

Талқылауға қатысқан халық­ара­лық және ұлттық сарапшылар Қазақстандағы құқық қорғау тетіктеріне оң бағаларын берді.

Дөңгелек үстелге қатысушылар Адам құқықтарының жалпыға бірдей декларациясының мәні туралы және адам құқықтары саласында Қазақстан ратифика­циялаған халықаралық келісім­шарттардың  құқық қорғау тетік­терін жетілдірудегі және адам құқығын қорғаудың ұлттық жүйесін нығайтудағы маңызды рөлін атап өтті.

Дөңгелек үстел аяқталған соң Комиссия төрағасы Қ.Сұлтанов пен БҰҰ-ның Қазақстандағы Тұрақты үйлестірушісі С.Тулл БАҚ өкілдеріне қысқаша сұхбат берді.

«Егемен-ақпарат».