Денсаулық сақтау министрлігі коронавирус жұқтырғандар бойынша бүгінгі мәліметтерді ұсынды, деп хабарлайды Egemen.kz.
18 қаңтардағы мәлімет бойынша, 24 875 адам коронавирус инфекциясынан емделуде, олардың ішінде 6 570 пациент стационарда, 18 305 науқас амбулаториялық деңгейде ем қабылдауда.
Коронавирусқа шалдыққандардың арасында 294 адамның жағдайы ауыр, 60 пациенттің жағдайы өте ауыр деп бағаланып отыр. 40 науқас ӨЖЖ аппаратында жатыр.