Балбал тастың жүрегі бүлк еткенде...

«Дарын» жастар сыйлығының иегері, III Халықаралық «Шабыт» фестивалінің лауреаты, ақын Дәулеткерей Кәпұлының шығармашылық кеші өтті.

«Дарын» жастар сыйлығының иегері, III Халықаралық «Шабыт» фестивалінің лауреаты, ақын Дәулеткерей Кәпұлының шығармашылық кеші өтті.

Л.Н.Гумилев атындағы Еура­зия ұлттық университетінің бас ғимаратында өткен шараның тізгінін ақын Бақыт Беделхан ұс­тады. Осы кеште ақынның үшін­ші төл туындысы – «Шер­тол­­ғақ» кітабының тұсауы кесілді.

Кешке «Хақтың құлы, Кәптің ұлының» шығармашылығын сыйлаған С.Қасқабасов, К.Әмір­бек, Н.Сабильянов, Б.Сма­ғұл, О.Асанова, Ұ.Ес­даулет, С.Тұр­ғынбекұлы, Т.Әбді­кә­кімұлы, Ә.Асқаров сынды бір­қатар зиялылар және Б.Имашев, Р.Заитов, М.Әуесхан секілді суырыпсалма ақындар қатысты. «Ақ жауын» мемлекеттік-каме­ралық оркестрімен ашылған шара ақындардың өзара айтысымен қыза түсті. Өнер жұл­­дыздары: А.Елшібаева, Е.Айт­баев, З.Иманғазиева, Г.Бө­­­кей­хановалар ән шырқаса, А.Бек­босын өзі «Тау барысы» деп атаған ағасына «Айбарыс» күйін тарту етті. Жазушы Ә.Асқаров ақын інісіне «Қазақтың мың әні» атты кітабын сыйға тартса, Д.Кәпұлының кеудесіне ауған соғысының ардагері, Мәжіліс депутаты Б.Смағұлов «Бауыржан Момышұлы» төсбелгісін тақты.

«Балбал тастың жүрегі бүлк еткенде...» деп аталған шы­ғар­ма­шылық кешінде көрермен Дәулеткерей ақынды сан қыры­нан таныды.

Кәмшат ЖҰБАТХАНОВА,

Л.Н.Гумилев атындағы Еуразия ұлттық университетінің 1-курс студенті.