2018 жылы Ақтау қаласындағы Назарбаев зияткерлік мектебін тәмамдаған Түпқараған ауданы Таушық ауылының тумасы Асқарбай Қызылғұлов бүгінде Еуропаның үздік жоғары оқу орындарының бірі – Дебрецен университетінің Азаматтық авиация факультетінде білім алуда.
Асқарбайдың әкесі мұнай мекемесінде жүргізуші болса, анасы – ауыл мектебінде тәжірибелі математика мұғалімі.
– Болашақта ұшқыш болуды армандап, алдыма үлкен мақсат қойдым. Бүгінде Еуропаның үздік оқу орнында білім алып жүрмін. Мұнда аса қатты өзгешелік жоқ және университет маған қатты ұнайды, – дейді Асқарбай Қызылғұлов.
Дебрецен университеті – Венгриядағы ең көне жоғары оқу орындарының бірі. Көне болса да студенттерге теория мен тәжірибені ұштастырып білім беретіндігімен танымал. Ұшқыш мамандығын 3,5 жыл ғана оқытады. Асқарбай оқуын сәтті тәмамдаған соң, отандық әуе компанияларының бірінде жұмыс істегісі келеді.
Алыста білім алып жүрген ауыл баласының мақсаты биік.
Маңғыстау облысы