Елордада күзге салым әр облыстың күндерін өткізу дәстүрге айналған. Сол күндерде ауылшаруашылық тауарларының жәрмеңкесі, облыстың жаңа жобаларын таныстыру мен түрлі деңгейде концерттер ұйымдастырылады. Кеше Шығыс Қазақстан облысының елордадағы күндері басталды. Оның аясында Республика алаңында ауылшаруашылық жәрмеңкесі, облыстың декоративті-қолданбалы өнер шеберлері бұйымдарының көрмесі ұйымдастырылмақ. Айтулы шараның қарсаңында Конгресс-холл сарайында астаналықтарға «Шұғылалы Шығыстан – арайлы Астанаға» деген атпен гала-концерт қойылды.
Елордада күзге салым әр облыстың күндерін өткізу дәстүрге айналған. Сол күндерде ауылшаруашылық тауарларының жәрмеңкесі, облыстың жаңа жобаларын таныстыру мен түрлі деңгейде концерттер ұйымдастырылады. Кеше Шығыс Қазақстан облысының елордадағы күндері басталды. Оның аясында Республика алаңында ауылшаруашылық жәрмеңкесі, облыстың декоративті-қолданбалы өнер шеберлері бұйымдарының көрмесі ұйымдастырылмақ. Айтулы шараның қарсаңында Конгресс-холл сарайында астаналықтарға «Шұғылалы Шығыстан – арайлы Астанаға» деген атпен гала-концерт қойылды.
Концерт бағдарламасы жан-жақты ойластырылған екен. Оның ішінде «Бабалар үні» композициясы, фольклорлық ансамбль мен күйшілер төрттігінің орындауындағы «Күй тартыс», «Зыряночка» және «Еураз-шоу» би ұжымдарының өнері, сондай-ақ, мәдениет қайраткерлері Берік Омаров, Вячеслав Ткач, Гүлдана Ноғайбаева, Мапруза Өтегенова сынды үлкен буынның өкілдері мен Нұрлан Түтінов, Евгений Выблов, Елизавета Минуллина, Диана Мұратова секілді енді өсіп келе жатқан жастардың дәстүрлі және эстрадалық бағыттағы ән-күйлері сахнаның салтанатын асырып, өңір өнерінің жоғары деңгейін көрсетті. Концерттің режиссерлері Қазақстан Республикасының мәдениет қайраткері Ғибрат Азубаев пен облыс әкімі жүлдесінің иегері Людмила Коряковцева екенін де атап өту керек.
Конгресс-холлда өткен үлкен концертке халық молынан жиналды. Шығармашылық зиялы қауым өкілдері, оқытушылар мен дәрігерлер, студенттер шығысқазақстандық өнерпаздарға қол соғып қошемет көрсетті. Концертті Мәдениет және ақпарат министрі Мұхтар Құл-Мұхаммед те тамашалады.
Айгүл СЕЙІЛОВА,
«Егемен Қазақстан».