Халықаралық Самара-Шымкент автожолының 306 шақырымында жеңіл автокөлік жүк көлігіне соғылып, бір адам қаза тапты, деп хабарлайды Egemen.kz.
Оқиға 16 ақпан күні 18 сағат 30 минут шамасында болған. Самара-Шымкент тас жолының 306 шақырымында ВАЗ-2110 автокөлігінің жүргізушісі 1996 жылы туған Д. есімді азамат қарсы жолға шығып кетіп, КамАЗ автокөлігімен соқтығысқан. Ол көлікте жалғыз болған. ВАЗ-2110 автокөлігінің жүргізушісі алған жарақаты салдарынан оқиға орнында қайтыс болды.
Марқұмның денесін көліктен Жедел-құтқару жасағының құтқарушылары арнайы құралдардың көмегімен алып шықты.