Жақында Астанада Қазақстан Республикасында тұратын этностық немістер мәселелер жөніндегі Қазақстан-Германия үкіметаралық комиссиясының он бірінші мәжілісі болып өтті, деп хабарлады ҚР СІМ-інің баспасөз қызметі.
Жақында Астанада Қазақстан Республикасында тұратын этностық немістер мәселелер жөніндегі Қазақстан-Германия үкіметаралық комиссиясының он бірінші мәжілісі болып өтті, деп хабарлады ҚР СІМ-інің баспасөз қызметі.
Мәжіліс шеңберінде тараптар мәдени-гуманитарлық білім беру және әлеуметтік салалардағы жүзеге асырылған шаралар нәтижелерін талқылап, 2014 жылға арналған аталған бағыттардағы негізгі басымдықтарды айқындады.
Қазақстан бұрынғысынша қазіргі таңда шамамен 130 этнос өкілдері бейбіт, қатар өмір сүріп жатқан еліміздегі ұлтаралық және конфессияаралық келісімге басым бағыт береді. Қазақстан мен Германия Қазақстандағы неміс диаспорасы, сондай-ақ, Германиядағы қазақстандық немістер екі ел арасындағы «жанды көпір» рөлін атқаруды жалғастыруларына теңдей дәрежеде мүдделі. Және бұл жайттың екіжақты стратегиялық әріптестікті нығайта түсуге ықпал ететіні түсінікті.
Осы тұрғыдан келгенде, Қазақстан немістерінің «Возрождение» қоғамдық бірлестіктер қауымдастығы маңызды рөл атқарады. Мәжіліс барысында қауымдастықтың қызметі туралы баяндамалар тыңдалды. Комиссия болашақта да қауымдастықтың екі ел арасындағы қарым-қатынастарды дамыту бағытында жүргізіп келе жатқан жұмысына оң ықпал ету ниетінде.
Мәжіліс қорытындысы бойынша коммюникеге қол қойылды.