Ел Тәуелсіздігінің 30 жылдығы қарсаңында «30 игі іс» ұранымен «Қайырымдылық істер марафоны» жобасы аясында, Нұр-Сұлтан қаласы әкімдігінің «Астана жастары», Нұр-Сұлтан қаласының «Рухани жаңғыру» кеңселік жобасымен бірлесіп һәм Нұр-Сұлтан қаласы әкімдігінің «Қуыршақ театры» елордадағы «SOS» балалар ауылындағы тәрбиеленушілерге арнап «Қаңбақ шал» қойылымын қойды.
Аталған спектакльге 8 бен 18 жас аралығындағы жеткіншектер мен жасөспірімдер қатысты. Рухани кемелдік пен мәдени өсуге ықпал ету, балаларды әлеуметтендіру, коммуникативті дағдыларды қалыптастыру және эмоционалды зияткерлікті дамыту мақсатында ұйымдастырылған қойылым балалардың көңілін көтеріп, қызығушылықтарын арттырды.