Мәдениет • Кеше
Эстония және Финляндия елдерінде Қазақстан Тәуелсіздігі күні мерекесіне орай Астана қаласының мәдени күндері өтті. Таллин және Хельсинки қалаларында ұйымдастырылған мәдени-сазды кештерге Е.Рахмадиев атындағы мемлекеттік академиялық филармония ұжымдары мен солистері, Франциядан арнайы келген скрипкашы, Қазақстанның еңбек сіңірген қайраткері Марат Бисенғалиев қатысты.
Елорда • Кеше
Жұлдыздай жарқыраған жасыл шырша
Бір, екі, үш, төрт, бес... Сәрсенбі күні елорда тұрғындары мен қонақтары сағат тілі 20.00-ді үздіге күтіп, соңғы секундтарын хормен санап, жаңажылдық шыршаның шамын жағу рәсіміне куә болды. «Астана Арена» стадионы маңында орналасқан биіктігі 25 метрлік бас шыршаның шамын елорданың ең үздік мектеп оқушылары жақты. Жылына бір келетін ғажайып сәтті көруге үш мыңға жуық адам жиналды. Сондай-ақ дәл осы уақытта елорданың басқа аудандарында да 30-дан астам мерекелік шыршаның шамы жағылды.
Әлем • Кеше
Қазақстанның Пәкістандағы елшілігі белгілі өнер қайраткері, Пәкістанның ұлттық мұра және мәдениет жөніндегі бұрынғы министрі Джамаль Шах ұйымдастырған «Жібек жолы» мәдениет орталығының салтанатты ашылу рәсіміне қатысты.
Өнер • 19 Желтоқсан, 2024
Ыстанбұлдағы Ататүрік мәдениет орталығында «Хан Сұлтан. Алтын Орда» операсының премьерасы өтті. Абай атындағы Қазақ ұлттық опера және балет театрының қойылымы Жошы ұлысының 800 жылдығына арналды.
Өнер • 11 Желтоқсан, 2024
Ел астанасында Мәдениет және ақпарат министрлігінің қолдауымен Қазақ ұлттық өнер университеті ұйымдастырған «Astana Piano Passion» II республикалық жас пианистер байқауы өтіп жатыр.
Мәдениет • 10 Желтоқсан, 2024
Ұлттық музейде «Қара шаңырақ» қоғамдық бірлестігінің ұйымдастыруымен Қолөнершілер одағының мүшесі, халықаралық ЮНЕСКО сапа белгісінің иегері, этнодизайнер Тілек Сұлтанның «Киелі кимешек» көрмесі ашылды. Автор өзі тіккен және жинақтаған түпнұсқа 30 кимешекті көпшілік назарына ұсынды.
Руханият • 06 Желтоқсан, 2024
Мәдениет және ақпарат министрлігінің қолдауымен Қ.Қуанышбаев атындағы Қазақ ұлттық музыкалық драма театрында Қазақстанның халық жазушысы, Әбіш Кекілбайұлының 85 жылдығына арналған «Кемел тұлға келбеті» атты конференция өтті. Алқалы жиын аясында көрнекті қаламгердің өмірі мен шығармашылығына арналған фото және кітап көрмесі ұйымдастырылып, екі жаңа кітап таныстырылды.
Сұхбат • 06 Желтоқсан, 2024
Түгелбай ҚАЗАҚОВ, Қырғыз Республикасының Ел әртісі: Музыкадан құдіретті дүние жоқ
Өнерде шекара жоқ дейміз. Әсіресе ауылы аралас, қойы қоралас жатқан қазақ пен қырғыз өнерінің кеңістігі тіптен жақын. Көрші ауылда бір ғажап ән туса, дабырасы мен даңғазасы қазақ топырағына жетпей қалмайды. «Жаңбыр төкті», «Элегия», «Жиырмасыншы жаз», «Гүлзарлар» сынды аңызға айналған әндердің авторын да қазақ жұрты жақсы таниды. Жуырда Қырғыз Республикасының Ел әртісі Түгелбай Қазақовтың Бішкекте өткен шығармашылық кешіне барып қайтқан едік. Біртуар композитордың сырлы әндерін тыңдап, өмірі мен өнері туралы сұхбат құрдық.
Өнер • 05 Желтоқсан, 2024
«Қазақконцерт» солисі Әйгерім Алтынбек Италияда өткен опера әншілері арасындағы халықаралық байқаудың жеңімпазы атанды. Композитор Джакомо Пуччинидің 100 жылдығына орай ұйымдастырылған байқауға әлемнің әр түкпірінен, соның ішінде Қазақстан, Жапония, Қытай, Корея, Ресей, Иран елдерінен 70 өнерпаз қатысты.
Өнер • 04 Желтоқсан, 2024
Р.Бағланова атындағы «Қазақконцерт» мемлекеттік концерт ұйымының үлкен залында композитор Нұрғиса Тілендиевтің 100 жылдығына орай «Отырар сазы шақырады!» концерті өтті. Сахна төрінде Қазақстанның көрнекті оркестрлері – Н.Тілендиев атындағы «Отырар сазы» академиялық фольклорлық-этнографиялық оркестрі мен Е.Рахмадиев атындағы мемлекеттік академиялық филармониясының симфониялық оркестрі өнер көрсетті.
