Өткен аптада Қазақстанда 3 мыңнан аса қылмыс тіркелді. Бұл туралы Ішкі істер министрлігінің ресми өкілі Нұрділдә Ораз онлайн брифингте айтты, деп хабарлайды Egemen.kz.
«Елімізде бір апта ішінде 3351 қылмыс тіркелді, оның 2254-і тәулік ішінде ашылды. Полиция қызметкерлері «ізін суытпай» 14 кісі өлтіруді, 4 өлімге әкеп соққан денсаулыққа қасақана ауыр зиян келтіруді, 4 қарақшылық, 40 тонау және 509 бөтен мүлікті ұрлау қылмыстарын ашты», деді Нұрділдә Ораз.