Федералдық резервтік жүйенің (ФРЖ) төрағасы Джером Пауэлл Америка экономикасындағы жағдайдың айтарлықтай жақсарғанын, бірақ әлі қалпына келмегенін атап өтті. The Wall Street Journal-да жариялаған мақаласында COVID-19 пандемиясы тудырған рецессия жылдамдығы, ауқымы мен қарқындылығы жағынан бұрын-соңды болмағанын ескертті, деп жазады Egemen.kz.
«Әлемдік инвесторлар қолма-қол ақшаға жүгіне бастаған кезде қаржы нарығы тығырыққа тірелді. Экономиканың көп бөлігі жұмысын тоқтатты, мектептер жабылды, адамдар жұмыстарын үйреншікті кеңседе емес, өз үйлерінде отырып жалғастырды. Ұлы рецессия кезінде шығындар екі есе көп болды», деді Федералды резервтің басшысы.Дағдарыстың бұрын-соңды болмаған ауқымы барлық мемлекеттік құрылымдардан бір ауыздан жауапкершілігіне басымдық берді. Конгресс соғыстан кейінгі дәуірдегі ең қымбат экономикалық қалпына келтіру пакетін бекітті. «Біз Федералдық қаржы министрлігінде қаржылық дағдарысқа жол бермеу және несиенің үй шаруашылықтары мен кәсіпорындарға ағуын қамтамасыз ету үшін барлық құралдарды қолдандық», деді Джером Пауэлл.Одан әрі төраға жағдай әлдеқайда жақсарғанына, оның ішінде бастапқыда жоғалған жұмыс орындарының жартысынан сәл астамы қалпына келтірілгеніне тоқталды. «Бірақ қалпына келтіру әлі аяқталған жоқ, сондықтан біз ФРЖ-да экономиканы қажет болған жағдайда қамтамасыз ете береміз. Мен бұл дағдарыстан бұдан да күшті және жақсы шығатынымызға сенемін», деп сөзін түйіндеді Джером Пауэлл.